Litla-Jörp 1
Um 90% af núlifandi hrossum í Vorsabæ 2 eru komin út af Litlu-Jörp 1 frá Vorsabæ 1 sem Björn eignaðist 1978, þá 15 vetra gamla. Hún var tamin og hafði verið notuð sem reiðhryssa af eigendum sínum í Hafnarfirði. Björn fékk Þorkel Bjarnason, þáverandi hrossaræktarráðanaut, til að dæma hana þá um vorið og fékk hún 8,00 fyrir byggingu og 7,78 fyrir hæfileika og í aðaleinkunn 7,89 svo til óþjálfuð. Einnig keppti hann á henni seinna um sumarið á innanfélagsmóti og lenti þar í 3. sæti í B-flokk og 4. sæti í tölti. Frægasta afkvæmi Litlu-Jarpar 1 er Gassi frá Vorsabæ 2 sem er nú í Danmörku og vekur alls staðar athygli fyrir mikla útgeislun og fegurð á tölti. Undan henni eru einnig Litla-Jörp 2 sem er undan Þresti frá Teigi, Kolfreyja undan Kolgrími frá Kjarnholtum og Tign undan Hrafni frá Holtsmúla og því alsystir Gassa. Þær hafa allar gefið af sér 1. verðlaunar hross (Þöll, Forseta, Snjall, Bjargþóru, Snerpu, Alvar Fríðu Brynju og Spyrnu). Einnig eru í notkun hryssur sem Stefanía kom með frá Neistastöðum og hafa þær gefið góð afkvæmi. Má þar m.a. nefna Össu, hæst dæmdu hryssuna í Danmörku árið 2000 og Galsa sigurvegara í A-flokki hjá Fáki árið 2001.
 Töltúrslit 1978. Litla-Jörp í 4 sæti 15 vetra |
 Litla Jörp 1 og 2 |
Helstu áherslur í ræktuninni eru falleg frambygging, há og framgripsmikil fótahreyfing og gott geðslag. Einnig er lögð áhersla á litafjölbreytni og eru t.d. margar af ræktunarhryssunum skjóttar.
Íslenska