Gisting/sveitalíf

Sjá video:

Orlofshús til leigu.

Við höfum til leigu orlofshús sem rúmar alt að 10 manns í gistingu.  Í húsinu eru 2 svefnherbergi.  Í öðru er tvíbreitt rúm en í hinu eru kojur þar sem sú neðri er tvíbreið.  Auk þess er rúmgott 18 fermetra svefnloft með dýnum.  Eldhúsið er búið öllum nútíma tækjum og áhöldum og í setustofu er sjónvarp með DVD.  Við húsið er skjólgóð verönd með garðhúsgögnum og gasgrilli.  Ekki er aðgangur að heitum potti en hægt er að komast í sundlaug  sem staðsett er í 2 km. fjarlægð.  Upplögð staðsetning fyrir þá sem ferðast um Suðurland, þar sem stutt er til margra vinsælla ferðamannastaða og stutt í margskonar þjónustu. Upplýsingar: bjornjo@vorsabae2.is

Á döfinni.

Ýmislegt í gangi núna:  Sjá hér.

Sveitalíf.

Á bænum er stunduð umfangs mikil hrossarækt, tamningar og sala á hrossum.  Einnig eru á búinu nautgripir, sauðfé, geitur, hænsni, hundar og kettir.

Við tökum á móti gestum hluta úr degi eða í nokkra daga eftir samkomulagi. Við leggjum áherslu á persónulega þjónustu sem miðast við óskir hvers og eins. Fjölbreyttir möguleikar eru í boði.

Skoðið dýrin.

Allan ársins hring er hægt að koma í heimsókn og líta á dýrin og búskapinn.

Þátttaka í störfum.

Hægt er að fylgjast með eða taka beinan þátt í störfum dagsins, en störfin á bænum geta verið nokkuð breytileg eftir árstímum. Tilvalið tækifæri að taka orlofshúsið á leigu og dvelja nokkra daga og upplifa sveitalífið. Gestir geta notið dvalarinnar í tengslum við dýr og náttúru.

Farið á hestbak.

Við höfum 700 fermetra reiðhöll þar sem við getum boðið fólki á hestbak eða teymt undir börnum. Einnig getum við farið í stutta reiðtúra um nágrennið.

Hestar til sölu.

Ávallt er fjölbreytt úrval hesta til sölu. Við val á ,,draumahestinum´´er nauðsynlegt að gefa sér góðan tíma. Þá er upplagt að dvelja á bænum  til að prófa mismunandi hesta í reið og kynnast þeim í umgengni.

Óvissuferðir.

Farið í þrautir / þrautakeppni.

Tilvalinn möguleiki fyrir vinahópa eða vinnustaði t.d. sem partur af óvissuferð. Við setjum upp þrautir eða þrautabraut sem tengist sveitastörfum,skemmtilegar þrautir við allra hæfi, þar sem hægt er að keppa í einstakslings- eða liðakeppni.

VERÐLISTI

ATH: Ekki er tekið við greiðslukortum.